काठमाडौं । काठमाडौं प्रहरी परिसर र अपराध महाशाखाका प्रमुखले प्रहरीको साख एक इन्च पनि तल नर्झने गरी काम गर्ने प्रतिबद्धता गरेका छन् ।
भर्खरै सरुवा भएर आएका महानगरीय अपराध महाशाखाका एसएसपी सहकुल बहादुर थापा र काठमाडौं प्रहरी प्रमुख उत्तम सुवेदीले संयुक्त रुपमा पत्रकार सम्मेलन गर्दे उक्त कुरा बताएका हुन् ।
विगतका कुराहरुलाई ध्यानमा राखेर अपराध विरुद्ध मिलेर काम गर्ने सन्देश दिन पहिलो पटक पत्रकार सम्मेलन गरिएको काठमाडौं प्रहरी प्रमुख एसएसपी सुवेदीले जानकारी दिए।
उत्यकामा शान्ति सुरक्षा कायम गर्ने र अमनचयन स्थापना गर्ने भन्दै उनले आर्थिक, सामाजिक रसाइबर अपराधसँगै सुसुप्त रहेका अपराध नियन्त्रणलाई प्राथमिकतामा राखेर काम गर्ने बताए ।अपराधीविरुद्ध कानूनी कठोरता अपनाउने एसएसपीद्वयको भनाइ छ ।
दुबै संस्था नमिल्दा कतिपय अप्रेसन गर्न कठिनाइ भइरहेको थियो, महाशाखाका एसएसपी थापाले भने, अब कुनै अप्रेसन गर्नुपर्दा छिटो गर्न र कसले नेतृत्व गर्ने भन्ने टुंगो लाग्न पनि समय लाग्दैन।
