एजेन्सी । बिग बास लिग (बीबीएल)को पहिलो खेलमै नेपालका लेग स्पिनर सन्दीप लामिछानेले विकेट लिएका छन् ।
अहिले सिड्नी सिक्सर्स र होबार्ट हुरिकेन्सबीच खेल जारी छ ।
होबार्ट हुरिकेन्सबाट खेलिरहेका लामिछानेले पहिलो खेलमै विकेट हात पार्न सफल भए ।
लामिछानेले ४ ओभर बलिङ गर्दै २४ रन खर्चेर १ विकेट हात पारे ।
लामिछानेले गत सिजन होबार्टका लागि ८ खेल खेल्दै ८ विकेट लिएका थिए ।
सिड्नीले पहिले ब्याटिङ गरेर हुरिकेन्सलाई १४५ को लक्ष्य दिएको छ । उसले २० ओभर खेल्दै ९ विकेटको क्षतिमा १४४ रन जोडेको हो ।
जवाफी ब्याटिङमा उत्रिएको हुरिकेन्सले यो समाचार तयार पार्दासम्म १० ओभरमा २ विकेटको क्षतिमा ५० रन जोडेको छ ।