धनकुटा । बहिनी जिस्काएको निहुँमा आफ्नै साथीको हत्या गरेको आरोपमा एक जना पक्राउ परेका छन् । पक्राउ पर्नेमा महालक्ष्मी नगरपालिका-२ का २५ वर्षीय घनेन्द्र लिम्बू रहेका छन् ।
प्रहरी कार्यालय धनकुटाका प्रहरी निरीक्षक सुरज खड्काले सोही वडा बस्ने २२ वर्षीय सन्तोष लिम्बूलाई घनेन्द्रले आफ्नो बहिनीलाई आँखा लगाएर जिस्काएको भन्दै छुरी प्रहार गरेको बताए ।
छुरी प्रहारबाट सन्तोषको आइतबार बिहान ५ बजे घटनास्थलमै मृत्यु भएको हो।
छुरा प्रहार गर्ने घनेन्द्रलाई प्रहरीले नियन्त्रणमा लिएको छ।मृतकको शव पोस्टमार्टमका लागि धनकुटा अस्पतालमा पठाइएको छ ।
