गुलरिया । नेकपा सचिवालय सदस्य वामदेव गौतमले मिडिया काउन्सिल विधेयक पत्रकारले चाहेजस्तो आउने बताएका छन् । पार्टीभित्र धेरै नेताको सच्चाउनुपर्ने आवाज आएकाले पत्रकारले चाहेजस्तो विधेयकका आउने उनले बताएका हुन् ।
नेकपा जिल्ला समिति बर्दियालाई शपथ खुवाउन बर्दिया आएका गौतमले पत्रकार भेटघाट कार्यक्रममा विवादित बुँदाहरु सच्चिने बताए ।
उनले संचार मन्त्रालयबाटै पेश गरिएको विधेयक सम्बन्धित मन्त्रीले नै परिमार्जन गर्ने उद्घोष गरिसकेकाले विधेयकमा रहेका विवादित विषय वस्तु परिमार्जित हुने बताए ।