काठमाडौंं । प्रधानमन्त्री कप एकदिवसीय क्रिकेट प्रतियोगितामा आर्मी क्लबले प्रदेश एकलाई फराकिलो अन्तरले पराजित गरेको छ । आर्मीले प्रदेश एकलाई ११३ रनले पराजित गरेको हो । टस जितेर पहिले ब्याटिङ गरेको आर्मीले ४५.३ ओभरमा सबै विकेटको क्षतिमा २०४ रन बनाएको थियो ।
आर्मीका लागि राजेश पुलामी मगरले ५६ रन बनाउँदै टिमलाई उकासेका थिए । त्यस्तै, हरि चौहानले ४१ र कप्तान विनोद भण्डारीले ३० रन बनाएका थिए ।
बलिङतर्फ दिपेश कँडेलले तीन विकेट लिए ।
२०५ रनको लक्ष्य पछ्याएउदै ब्याटिङ गरेको प्रदेश एकले २६.५ ओभरमा सबै विकेटको क्षतिमा ९१ रन मात्रै बनाउन सक्यो ।
प्रदेश एकका लागि राजन मगरले २६, मुकुन्द यादवले १८ र रवि रोयले १० रन बनाएका थिए ।
बलिङतर्फ सुशान भारीले एक्लैले ६ विकेट लिए ।
