काठमाडौं । मुख्य खेतिपातीको सयममा वर्षाको अनुकूलता र प्राकृतिक प्रकोपले कृषिमा गर्ने क्षति कम हुँदा चालू आर्थिक वर्षमा कृषि क्षेत्रको उत्पादन झण्डै दोब्बरले वृद्धि हुने भएको छ। सरकारले सोमबार संसदमा पेस गरेको आर्थिक सर्वेक्षणमा चालु आर्थिक वर्षमा कृषि क्षेत्रको उत्पादन वृद्धिदर ५.१ प्रतिशत रहने प्रक्षेपण गरिएको छ।
उत्पादन वृद्धिको मुख्य कारण भने प्रकृति अर्थात् मौसमको अनुकूलता हो। ‘आर्थिक वर्ष ०७५ /०७५ मा कृषि क्षेत्रको वृद्धिदर २.७ प्रतित रहेको थियो भने आर्थिक वर्ष ०७५/०७६ मा यस्तो वृद्धिदर ५.१ प्रतिशत रहने अनुमान छ,’ प्रतिवेदनमा भनिएको छ ।
‘प्रमुख खाद्यान्नवाली तथा तरकार बालीमा भएको अभिवृद्धि, मल, बिउलगायत कृषि सामागीको उपलव्धता, सिंचाईमा विस्तार एवं अनुकूल मौसमका कारणले कृषि क्षेत्रको वृद्धिमा सहयोग पुगेको हो।’ यो समाचार आजको कारोबार दैनिकमा प्रकाशित छ ।
