पर्सा । बालक अपरहण गरी हत्या गरेको आरोपमा पक्राउ परेका २ जना भाग्न खोजेपछि प्रहरीको गोली चलाएको छ ।
प्रदेश २ प्रहरी कार्यालयको टोलीद्वारा बच्चा अपहरण गरी हत्या गर्ने २ जना भाग्न खोजीपछि गोली प्रहार गरेको थियो । प्रहरीको गोली लागेर दुवै आरोपी घाइते भएका छन् ।
बालक हत्यामा संलग्न भारतीय नागरिक विकास शर्मा र बाराका सिकेन्द्र साहको घुँडामा गोली लागेको प्रहरीले पर्सा प्रहरीले जनाएको छ।
दुवैको वीरगञ्ज अस्पतालमा उपचार भइरहेको छ।
बालक अपहरण र हत्यामा संलग्न बारा कलैया–११ का रामविनेश महतोलाई पनि प्रहरीले पक्राउ गरेको छ।बालक साहको जेठ १० गते अपहरण भएको थियो । प्रगतिनगरमै बस्ने विकासले बालकलाई फकाइफुल्याई वीरगंज स्थित घण्टाघरबाट बालकलाई टेम्पुमा राखेर अपहरण गरेको थियो ।
हत्या गर्नुपूर्व करनको भ्वाईस रेकर्ड गरेर केहि दिन देखि करनका बुबा शम्भु साहलाई फिरौती माग्दै आएका थिए । अपहरणकारीले शम्भु शाहसंग सुरुमा ५० लाख रुपैयाँको बार्गेनिंग गरेको थियो भने ५ लाख रुपैया दिने कुरामा सहमति भइसकेको थियो । विरगंज स्थित प्रगतिनगर बस्ने शम्भु शाह कवाडखाना संचालन गर्दै आइरहेका थिए ।
बालकलाई बाराको कलैयास्थित खत्तरटाका नजिक रहेको एक झुपडीमा लगेर बन्धक बनाएको ३ घण्टा पछि करनलाई सम्हाल्न नसकेपछि ३ जना अपहरणकारीले घाँटी थिचेर हत्या गरेका थिए ।
उनीसँगको रिसइबीका कारण विकास शर्माको समूहले बालकको अपहरणपछि हत्या गरेको अनुमान प्रहरीको छ ।
यता, प्रहरीले बालकको शव फेला पारिसकेको छ भने यस सम्बन्धमा थप अनुसन्धान भईरहेको डिआइजी पालले जानकारी दिए ।
