काठमाडौं । इंग्ल्याण्डमा जारी आइसीसी एकदिवसीय विश्वकप क्रिकेट अन्तर्गत भारत विरुद्धको खेलमा दक्षिण अफ्रिकाले खराब प्रदर्शन गरेको छ ।
इंग्ल्यान्डको साउथह्याम्पटनमा टस जितेर पहिले ब्याटिङ गरेको दक्षिण अफ्रिकाले ७ विकेट गुमाएको छ ।
दक्षिण अफ्रिकाले पहिलो विकेट हसिम अमलाको गुमाएको थियो । अमला ब्यक्तिगत ६ रन बनाउदै जस्प्रित बुमराहको बलमा रोहित शर्माको क्याचबाट आउट भएका थिए । यता डी कक पनि बुमराहकै बलमा आउट भए । कक ब्यक्तिगत १० रन बनाउदै कप्तान बिराट कोहलीको हातबाट क्याच आउट भए ।
त्यस्तै युजभिन्द्र चाहालले चार विकेट लिए । चाहालले फाफ् डु प्लेसिसलाई ३८, रसिइ भान डेर डुसेनलाई र डेभिड मिलरलाई ३१ र एन्डिल फेहलुकवाओलाई ३४ रनमा आउट पारे । यता कुलदीप यादवले जेपी डुमिनीलाई ३ रनमा आउट बनाए ।
यो समाचार बनाउदासम्म दक्षिण अफ्रिकाले ३९.४ ओभरको समाप्तिमा ७ विकेट गुमाएर १५८ रन बनाएको छ ।
जारी विश्वकपमा भारतको यो पहिलो खेल हो भने दक्षिण अफ्रिकाको यो तेस्रो खेल हुनेछ ।
पहिलो खेलमा इंग्ल्यान्डसँग १०४ र दोस्रो खेलमा बंगलादेशसँग २१ रनले पराजित भएको दक्षिण अफ्रिका निकै संकटमा देखिएको छ । आजको खेलमा पनि दक्षिण अफ्रिका पराजित भएमा उसको विश्वकप यात्रा निकै कठिन हुनेछ ।
यता, भारत भने कमजोर देखिएको दक्षिण अफ्रिकाविरुद्ध स्पष्ट जित हात पार्दै सुखद् सुरुवात गर्ने लक्ष्यमा छ ।
दक्षिण अफ्रिका प्लेइङ इलाभेन
फाफ् डु प्लेसिस (कप्तान), डेभिड मिलर, डी कक, हसिम अमला, रसिइ भान डेर डुसेन, जेपी डुमिनी, क्रिस मोरिस, कागिसो रबडा, इमरान ताहिर, तब्राइज शाम्सी र एन्डिल फेहलुकवाओ ।
भारत प्लेइङ इलाभेन
विराट कोहली (कप्तान), रोहित शर्मा, युजभिन्द्र चाहाल, मेहन्द्रसिंह धोनी, केदार जाधव, कुलदीप यादव, केएल राहुल, जस्प्रित बुमराह, शिखर धवन, भुवनेश्वर कुमार
र हार्दिक पाण्ड्या।
