काठमाडौं । पोर्चुगल नेसन्स लिग फुटबलको फाइनलमा प्रवेश गरेको छ ।
घरेलु मैदानमा बुधबार राति भएको सेमिफाइनल खेलमा पोर्चुगलले स्वीट्जरल्यान्डलाई ३–१ गोल अन्तरले हराउँदै फाइनलमा स्थान बनाएको हो । पोर्चुगललाई फाइनलमा पुर्याउन तीन गोल कप्तान क्रिष्टियानो रोनाल्डोले गरे ।
खेलको २५ औ मिनेटमा फ्रिकिकबाट रोनाल्डोले गोल गर्दै पोर्चुगललाई अग्रता दिलाएका थिए । रोनाल्डोको गोलमा पोर्चुगलले पहिलो हाफसम्म १–० गोलको अग्रता बनाएको थियो । तर दोस्रो हाफमा थप दुई गोल गर्दा स्वीट्जरल्यान्डले एक गोल फर्काउन सफल भयो ।
रिचार्डो रोड्रिग्वेजले ५७ औ मिनेटमा पेनाल्टीबाट गोल गर्दै स्वीट्जरल्यान्डलाई १–१ गोलको बराबरीमा ल्याएका थिए । तर रोनाल्डोले अन्तिम समयमा दुई गोल गर्न सफल भए । खेलको ८८ औ मिनेटमा गोल गर्दै पोर्चुगललाई २–१ गोलको अग्रता दिलाएका थिए ।
त्यस्तै, खेलको ९०औं मिनेटमा अर्को गोल गर्दै रोनाल्डोले ह्याट्रिक पूरा गरे भने पोर्चुगललाई ३१ गोलको जित दिलाउँदै फाइनलमा पुर्याए । पोर्चुगलले उपाधिका लागि अब इंग्ल्यान्ड र नेदरल्यान्ड्सबीचको विजेतासँग खेल्नेछ ।
