वासिङ्टन । अमेरिकी अन्तरिक्ष एजेन्सी नासाले शुक्रबार दिउँसो नयाँ एक्स–रे मिसन (आइएक्सपिई) प्रक्षेपण गरेको छ । यो मिसन अन्तरिक्षमा भइरहेका धेरै रहस्यमय घटनाहरूको पर्दाफास गर्न सहयोगी साबित हुनेछ। यसले ब्ल्याक होल, सुपरनोभा र ब्रह्माण्डको प्रकृतिको बारेमा धेरै महत्त्वपूर्ण जानकारी उजागर गर्न सहयोग गर्नेछ। शुक्रबार दिउँसो करिब एक बजे स्पेसएक्स कम्पनीको फाल्कन ९ रकेटको सहयोगमा नासाको केनेडी स्पेस सेन्टर फ्लोरिडाबाट प्रक्षेपण गरिएको छ। यो मिसन नासा र इटालियन स्पेस एजेन्सीको संयुक्त कार्यक्रम हो।
यो विशेष अवसरमा नासाका तर्फबाट जानकारी दिँदै आइएक्सपिई एक्स–रे मिसन बिहान १ बजे प्रक्षेपण गरिएको हो । यो मिसनले अन्तरिक्षमा हुने रहस्यमय घटनाहरु जस्तै ब्ल्याक होल र न्युट्रोन ताराहरु बारे जानकारी सङ्कलन गर्न सहयोगी हुने बताइएको छ । यद्यपि आइएक्सपिई नासाको एक्स–रे टेलिस्कोप चन्द्र एक्स–रे जत्तिकै ठूलो र बलियो छैन।
प्रक्षेपणको विशेष अवसरमा आइएक्सपिई प्रिन्सिपलका अन्वेषक मार्टिन वेस्कफले यस मिसनको प्रक्षेपण एक्स–रे खगोल विज्ञानको क्षेत्रमा महत्वपूर्ण कदम भएको बताउनुभयो। आइएक्सपिई मिसनले अन्तरिक्षमा ब्रह्माण्डीय एक्स–रेहरूको सही प्रकृति र उत्पत्तिको बारेमा जानकारी प्रदान गर्नेछ।
