बार्सिलोनाको हातबाट हिरा फुस्कदै
काठमाडौं । एट्लेटिको मड्रिडबाट बार्सिलोना जाने तयारीमा रहेका एन्टोइन ग्रिजमन म्यानचेस्टर युनाइटेड जाने हल्ला चुलिन थालेको छ ।
बार्सिलोनाले ग्रिजमनलाई अनुबन्धका लागि पहल गरे पनि सफल नभएपछि युनाइटेडले आँखा लगाएको हो । जसका लागि युनाइटेडले रोमेलु लुकाकु र पउल पोग्वालाई रिलिज गर्ने तयारी गरेको छ ।२८ वर्षे ग्रिजमनले आफ्नो भविष्य स्पेनभन्दा बाहिर रहनसक्ने बताएपछि उनी युनाइटेड आउन चाहेको आशंका गरिएको हो ।
संचार माध्यमहरुका अनुसार ग्रिजमनलाई पनि म्यान्चेस्टर अनुबन्ध गर्ने लक्ष्यमा रहेको छ । ग्रिजमनलाई युनाइटेडले ९५ मिलियन पाउण्डमा क्लबमा ल्याउने तयारीमा लागेको छ ।
विश्वकप विजेता फ्रान्सेली स्ट्राइकर ग्रिजमनलाई बार्सिलोनामा अनुबन्ध हुनु अगाडि नै मोटो रकममा आफ्नो क्लबमा तान्ने योजनामा युनाइटेडका प्रशिक्षक गुनर लागेका छन् ।
युरोकप छनोट अन्तर्गत एन्डोरा विरुद्धको खेलमा चार शून्यको जित निकालेपछि मिडियासँगको कुराकानीमा उनले आफू कहाँ जादैछु भन्ने थाहा भएको तर यसको निकास चाँडो भएमा झन राम्रो हुने भन्ने कुरा बताएका थिए ।
