काठमाडौं । विश्वकप क्रिकेटकाे अर्काे खेलमा फेरि वर्षा बाधक बनेकाे छ । न्यूजिल्यान्ड र भारतबीच बिहीबारका लागि तय भएकाे प्रतिस्पर्धा वर्षाकै कारण रद्द भएकाे छ ।
इंग्ल्यान्डको ट्रेन्ट ब्रिजमा भारत र न्यूजिल्यान्डबीचको खेल नेपाली समयअनुसार दिउँसो ३ बजेर १५ मिनेटमा हुने तय भएकाे थियाे ।
अंक तालिकाको शीर्ष स्थानमा रहेको न्यूजिल्यान्ड लगातार तेस्राे खेल जितेर उच्च मनाेबलका साथ मैदानमा थियाे भने भारत पनि यसअघिको दुई खेलमा विजयी बनेको थियाे ।
न्युजिल्यान्डले यसअघिको पहिलो खेलमा श्रीलंकालाई १० विकेटले पराजित गरेको थियो। त्यसै गरी दोस्रो खेलमा दुई विकेटले बंगलादेशलाई पराजित गरेको थियो भने तेस्रो खेलमा अफगानिस्तानलाई सात विकेटले पराजित गरेको थियो ।
त्यस्तै भारतले यसअघि पहिलो खेलमा दक्षिण अफ्रिकालाई ६ विकेटले पराजित गरेको थियो भने दोस्रो खेलमा अष्ट्रेलियालाई ३६ रनले पराजित गरेको थियो
खेल रद्द भएका कारण दुबै टिमले एक एक अंक पाएका छन् ।
शुक्रबारकाे खेल
वेस्ट इन्डिज विरूद्ध इङ्ल्यान्ड
