काठमाडौं । नेपाली कांग्रेसको नेतृत्व लिन सभापतिमा ६ उम्मेदबार सहित विभिन्न पदमा उम्मेदवारी दर्ता भएको छ । १४ औं महाधिवेशनअन्तर्गत शनिबारदेखि निर्वाचन प्रक्रिया सुरु भएको छ । सभापतिमा ६ जनाले उम्मेदवारी दिनु भएकाे छ जसमा वर्तमान सभापति शेरबहादुर देउवा, नेताहरू शेखर कोइराला, प्रकाशमान सिंह, विमलेन्द्र निधि, कल्याण गुरुङ र युवराज न्यौपानेले रहनु भएकाे छ ।
यसैगरी उपसभापतिमा पूर्णबहादुर खड्का, विजयकुमार गच्छदार, डा. चन्द्र भण्डारी, धनराज गुरुङ, सुजाता कोइराला, महेश आचार्य र दिव्यश्वरी शाहले उम्मेदवारी दर्ता गराउनु भएको छ । महामन्त्रीका लागि गगन थापा, डा. मिनेन्द्र रिजाल, डा. प्रकाशशरण महत, प्रदीप पौडेल, विश्वप्रकाश शर्मा र डा.राजाराम कार्कीको उम्मेदवारी दर्ता भएको छ ।
सहमहामन्त्रीमा २० जनाले उम्मेदवारी दर्ता गराएका छन् । उम्मेदवारी दर्ता गराउनेहरुमा बद्रीप्रसाद पाण्डे, फरमुल्लाह मन्सुर, मानबहादुर विश्वकर्मा, देवराज चालिसे, सुरेन्द्रप्रसाद चौधरी, किशोरसिंह राठौर, रञ्जित कर्ण, जीवन परियार, विकास लामा, रामकृष्ण यादव, कमला पन्त, तेजुलाल चौधरी, जीवनबहादुर शाही, गगां सुनार, महेन्द्र यादव, भीष्मराज आङदाम्बे, चेतराज बजाल, शेख वकी, उमाकान्त चौधरी र डिना उपाध्यायले उम्मेदवारी दर्ता गराउनु भएको छ ।
केन्द्रीय सदस्यमा थारुमा १४, मधेशीमा ३२, आदिवासी रजनजातिमा ८७, खसआर्यमा ९३, दलित ३९, महिला ३१, पिछडिएको क्षेत्र २, अपांग १६, अल्पसंख्यक ६, मुस्लिममा १६ जनाले उम्मेदवारी दर्ता गराएका छन् । त्यस्तै प्रदेश १ मा १३, प्रदेश २ मा ५, बागमतीमा ९, गण्डकी ७, लुम्बिनी ११, कर्णाली ७, सुदूरपश्चिम १२ र खुलामा १०२ जनाले उम्मेदवारी दर्ता गराएका छन् ।
