काठमाडौं । राजधानीको जमलमा जीप दुर्घटना भएको छ । दुर्घटनामा तीन जना घाइते भएका छन् ।
ठमेलबाट जमल जाँदै गरेको बा. ११ च ३६०४ नम्बरको जीप बिहान ६ बजे तिब्र गतिमा गुडीरहेको जीप एक्कासी बारमा रोक्किएर उत्तानो परेको हो ।
दुर्घटनामा घाइते तीन जनालाई उद्धार गरी ग्रान्डी सिटी अस्पतालमा पुर्याइए पनि प्राथमिक उपचारपछि तीनै जना फरार रहेको प्रहरीले जानकारी दिएको छ ।
चालकसहित जीपमा रहेका सबै व्यक्तिहरु फरार भएपछि प्रहरीले उनीहरुलाई किन भागे भन्ने विषयमा आशंका बढेकाले खोजी कार्य तिब्र पारेको जनाइएको छ ।