स्याङ्जा । जिल्ला प्रहरी कार्यालय स्याङ्जाले बोक्सीको आरोप लगाउने दुई महिलालाई पक्राउ गरेको छ । पक्राउ पर्नेमा पोखरा महा–नगरपालिका–१६ बस्दै आएका ३३ वर्षीया सोममाया गुरुङ र सोही स्थान बस्ने २५ वर्षीया चन्द्रकला थापा रहेका छन् ।
उनीहरु विरुद्ध ३८ वर्षीया महिलालाई बोक्सीको आरोप लगाई गालीगलौज गरी पिडा दिएको भनि बुधबार वडा प्रहरी कार्यालय वालिङमा जाहेरी परेको जिल्ला प्रहरी कार्यालय स्याङ्जाका प्रहरी नायब उपरीक्षक नविनकृष्ण भण्डारीले बताए ।
उनका अनुसार घटनाका आरोपित दुई महिलालाई बिहीबार जिल्ला अदालत स्याङ्जाबाट ‘भेदभाव तथा अन्य अपमानजन्य ब्यवहार सम्बन्धी कसुर मुद्दामा म्याद थप गरी अनुसन्धान थालिएको छ ।
