काठमाडौं । प्रहरीका १३ इन्सपेक्टरको काज सरुवा भएका छन् । प्रहरी प्रधान कार्यालयका अनुसार महानगरीय प्रहरी प्रभाग नयाँ बसपार्कमा इन्सपेक्टर सन्तोषकुमार दाहाल आएका छन् । यसअघि बसपार्कमा रहेका मोहनबिक्रम केसी सामाखुसीस्थित पहरा गणमा पुगेका छन् ।
वडा प्रहरी कार्यालय नेपालगञ्जमा हरि बहादुर बस्नेतको सरुवा भएको छ ।पर्साको वडा प्रहरी कार्यालय बिर्तामा निर्मल पनेरु, सर्लाहिको ईलाका प्रहरी कार्यालय लालबन्दीमा नारायण थापा र जिल्ला ट्राफिक प्रहरी कार्यालय बाँकेमा पविन्द्र बहादुर बमको सरुवा भएको छ ।
यस्तै कपिलवस्तु ट्राफिक प्रमुखमा टक्कर स्वाँर काज सरुवा भएका छन् ।कल्याण महाशाखामा इन्स्पेक्टर बासुदेव नेपाल लगायत १८ जनाको काज सरुवा भएको प्रहरी प्रधान कार्यालयले जनाएको छ ।
