अफगानिस्तानको राजधानी काबुल नजिकै रहेको एक प्रहरी चौकी अगाडि बम बिस्फोट हुँदा १४ जनाको मृत्यु र एक सय ५० जना भन्दा बढी घाइते भएका छन् । घटनाको जिम्मेवारी तालिवानी लडाकू समूहले लिएको समाचारमा जनाइएको छ ।
व्यस्त बजार नजिकै भएको बिस्फोटमा परेर घाइते हुनेहरु अधिकांश सर्वसाधारण रहेको बिबिसीले जनाएको छ । मारिने अधिकांस सुरक्षाकर्मी पनि रहेका छन् । बिस्फोटक पदार्थ भरिएको कार प्रहरी चौकीतर्फ आइरहेको सूचना पाएपनि रोक्न नसकेको कारण बिस्फोट भएको अफगानी गृह मन्त्रालयका प्रवक्ता नसरत रहिमीले बताए ।
१८ वर्षदेखि जारी हिंसा अन्त्यका लागि तालिवानी लडाकूसँग सरकारले वार्ता गरीरहेका बेला हमला भएको हो । अफगानिस्तानमा पछिल्लो एक महिनामा आक्रमणकारीको निशानामा एक हजार पाँच सय भन्दा बढी सर्वसाधारणको मृत्यु भइसकेको छ ।