काठमाडौं । संसदमा ऊर्जा, जलस्रोत तथा सिँचाइमन्त्री बर्षमान पुन अनन्तले सम्बोधन गरिरहँदा बत्ती गएको थियो। करिब १५ सेकेन्ड बत्ती गएपछि केहीबेर संसद हलमा अँध्यारो भएको थियो । जुम्लामा विद्युतीकरणको विषयमा सांसद गजेन्द्र महतले उठाएको प्रश्नको जवाफ दिन रोष्टम पुगेका मन्त्री पुन बोल्दाबोल्दै बत्ती निभेको हो ।
ऊर्जामन्त्री बोल्दै गर्दा बत्ती गएपछि काँग्रेस सांसद दिलेन्द्रप्रसाद बडुले प्रश्न गर्दै माननीय ऊर्जामन्त्री आफैं बोल्दै गर्दा संसदमा बत्ती जानुले देशको विद्युत आपूर्तिको अवस्था कस्तो छ भन्ने कुरा प्रस्ट पार्छ भन्ने कुरा गरेका थिए ।
संसद बैठकमा ऊर्जामन्त्री नै बोलिरहँदा बत्ती गएपछि प्रतिपक्ष सांसदले यस किसीमको प्रश्न उठाएका थिए ।
