काठमाडौं । सरकारले राष्ट्रिय परिचयपत्र लागू गरेकोमा शुक्रबार बिहान सिंहदरबारमा बसेको राज्य व्यवस्था तथा सुशासन समिति सदस्यहरुले राष्ट्रिय परिचयपत्र सम्बन्धी विधेयक बनेर पारित नभइ परिचय पत्र लागू गरिएको भन्दै सरकारको कामको विरोध गरेका हुन् ।
नेपाली कांग्रेसमा सांसद दिलेन्द्रप्रसाद बडूले समति बैठक सुरु हुने वित्तिकै राष्ट्रिय परिचयपत्रको छलफललाई समितिमा ६ महिनासम्म रोकेर राखिएकोमा आपत्ति जनाए । उनले यस विषयमा पहिला छलफल भएको तर ६ महिनासम्म छलफल किन रोकियो र आजबाट सुरु गरीयो भनि प्रश्न उठाउदै कारण मागेका हुन् ।
यस्तै सांसद अमरेशकुमार सिंहले सरकारले पहिला नागरिकताको विधेयकको कुरा नउठाएर राष्ट्रिय परिचय पत्रलाई किन अगाडि सारेको भन्दै सरकारको आधिकारिक धारणाको माग गरेका हुन् । सरकारले यसविषयमा स्पष्ट नपारेसम्म आफू समितिको बैठकमा नबस्ने भन्दै उनी बाहिरिएका हुन् ।
