काठमाडौं । उत्तर कोरियाले अब दक्षिण कोरियासँग वार्तामा नबस्ने बताएको छ प्योङ्याङले उत्तर कोरियाको शान्तिपूर्ण एकता समितिले अमेरिकासँग संयुक्त सैन्य अभ्यास गरेपछि पनि वार्तामा बस्न सकिन्छ भन्ने भ्रम नपाल्न दक्षिण कोरियालाई सजग गराएको छ।
उत्तर कोरियाको वक्तव्यमा अमेरिका र दक्षिण कोरियाबीचको सैन्य अभ्यासले डोनाल ट्रम्प तथा मुन जे–इनसँग उसको सहमति तोडेको उल्लेख छ।दक्षिण कोरिया र अमेरिकाले गरेको संयुक्त सैन्य अभ्यासको मुख्य भाग अगस्ट ११ मा सुरु भएको थियो।
ती अभ्यासहरू मुख्यतः कम्प्युटर सिम्युलेशनमा आधारित भएको बताइन्छ।तर त्यस्ता अभ्यासलाई उसले युद्धको तयारी भन्ने गरेको छ।
यता परमाणुअस्त्र विकासको आरोपमा उत्तर कोरियाले अन्तर्राष्ट्रिय प्रतिबन्धहरूको सामना गरिरहेकै बेलमा शुक्रवार सबेरै दक्षिण कोरियाको पूर्वी तट पर्तिर दुईवटा क्षेप्यास्त्र प्रहार गरेको छ जुन गत केही सातामा छैटौँ त्यस्तो प्रहार हो।छ दिनअघि उत्तर कोरियाले दुईवटा छोटो दुरीका बलिस्टिक क्षेप्यास्त्र जापानको सागरमा प्रहार गरेको थियो।