दोलखा । दोलखा जिल्लाबाट अख्तियार दुरुपयोग अनुसन्धान आयोग तथा मातहतका कार्यालयले साउनमा मात्र गरेको स्टिङ अपरेसनले ५९ लाख ८९ हजार नगदसहित ४७ जनालाई पक्राउ गरेको छ।अख्तियारले साउनमा मात्र देशभर २६ वटा स्टिङ अपरेसन गरेको थियो।
बरामद भएको नगद र पक्राउ परेकाको संख्याको तुलनामा प्रतिव्यक्ति एक लाख २७ हजार रुपैयाँ नगदमा घुस लेनदेन भएको पाइएको छ। पक्राउ परेकामध्ये जनप्रतिनिधिदेखि इन्जिनियरसम्म रहेको अख्तियार दुरुपयोग अनुसन्धान आयोगका प्रवक्ता प्रदीपकुमार कोइरालाले जानकारी दिए।
सेवाग्राहीसँग कार्यालय सहयोगीसम्मले घुस लिने गरेको पक्राउ परेकाहरूको तथ्यांकले बताउँछ। शिक्षक, नापीका सर्वेक्षक, प्रहरी, सशस्त्र प्रहरी, प्रशासन तथा मालपोतका कर्मचारी, स्वास्थ्यकर्मी, रेन्जर, अध्यागमन कर्मचारी अख्तियारको नियन्त्रणमा छन्।
