नयाँदिल्ली । विश्वभर विस्तार भएको फास्टफूड कम्पनी म्याकडोनल्डले भारतमा वहिस्कारणको चेतावनी झेल्नुपरेको छ ।
म्याकडोनल्डले आफ्नो खानामा हलाल गरेको मासु राखिएको भनेपछि भारतका कट्टर हिन्दुवादीहरुले उक्त कम्पनीको खाना नै बहिस्कार गर्ने चेतावनी दिएका हुन् । भारतस्थित म्याकडोनल्डले ट्वीटरमा आफ्ना सबै रेष्टुरेण्ट ‘हलाल सर्टिफाइड’ भएको उल्लेख गरेपछि विवाद उत्पन्न भएको हो ।
‘हाम्रा सबै रेष्टुरेण्टसँग हलाल प्रमाण छ । तपाईँ सम्बन्धित रेष्टुरेण्टका म्यानेजरलाई यसबारे सोध्न सक्नुहुन्छ’ फास्टफूड कम्पनीले आफ्ना ग्राहकलाई लक्षित गर्दै लेखेको थियो ।
तर थुप्रै ग्राहक म्याकडोनल्डको यस्तो अभिव्यक्तिबाट आक्रोशित बनेका छन् । हिन्दु समुदायका मानिस थप आक्रोशित बने । सामाजिक सञ्जालमा अहिले ‘ह्यासट्याग ब्वायकटम्याकडोनल्ड’ नै सुरु भएको छ । ८० प्रतिशत हिन्दु भएको भारतमा म्याक डोनल्डले किन हलाल गरिएको मासु विक्री गरेको रु भन्दै सामाजिक सञ्जालमा प्रश्न र आक्रोश पोखिएका छन् ।
