काठमाडौँ । राष्ट्रपति रामचन्द्र पौडेलसमक्ष राष्ट्रिय प्राकृतिक स्रोत तथा वित्त आयोगले आर्थिक वर्ष २०८२/८३ को वार्षिक प्रतिवेदन पेस गरेको छ ।
राष्ट्रपति भवन शीतल निवासमा बुधबार आयोजित कार्यक्रममा आयोगका कार्यवाहक अध्यक्ष विपिनराज निरौलाले प्रतिवेदन राष्ट्रपति पौडेलसमक्ष पेस गर्नुभएको हो ।
आयोगले प्रत्येक आर्थिक वर्षको आफ्नो वार्षिक प्रतिवेदन राष्ट्रपतिसमक्ष पेस गर्ने संवैधानिक व्यवस्थाअनुसार आर्थिक वर्ष २०८२/८३ को प्रतिवेदन बुझाएको हो ।
प्रतिवेदनमा राष्ट्रिय प्राकृतिक स्रोतको परिचालन, राजस्व बाँडफाँट तथा संघ, प्रदेश र स्थानीय तहबीच वित्तीय स्रोतको बाँडफाँटसँग सम्बन्धित विषय समेटिएको छ ।
