काठमाडौं । प्रधानमन्त्री केपी ओलीले १ भदौमा संसद्मा सम्बोधन गर्दै सत्यनिरूपण तथा मेलमिलाप र बेपत्ता छानबिन आयोग एक हप्ताभित्र गठन हुने बताएका थिए । तर, दुई हप्ता बितिसक्दा पनि आयोगका पदाधिकारी सिफारिस गर्न गठित समितिले नाम सिफारिस गर्न सकेको छैन ।
सत्तारुढ नेकपाकै प्रमुख सचेतक देव गुरुङ, सांसद एवं पूर्वमन्त्री जनार्दन शर्मालगायतले संसद् बैठकमा पटक–पटक यी दुई आयोग गठन र तिनका कामकारबाहीबारे चासो व्यक्त गर्दै आएका थिए ।
१ भदौको बैठकमा प्रधानमन्त्री ओलीले द्वन्द्वका घाउ बाँकी नै रहनु र तिनलाई सम्झेर कतै चित्त दुख्ने कतै घाउ चहर्याउने स्थिति हुनु उपयुक्त नहुने बताएका थिए । दुवै आयोगका पदाधिकारी नियुक्त गर्न गत चैतमा पूर्वप्रधानन्यायाधीश ओमप्रकाश मिश्रको संयोजकत्वमा पाँच सदस्यीय समिति गठन गरेको थियो ।, समाचार नयाँ पत्रिका दैनिकमा प्रकाशित छ ।
