काठमाडौं । नेपाली राष्ट्रिय क्रिकेट टोलीका पूर्वप्रशिक्षक पुबुदु दसानायके भैरहवा ग्लाडिएटर्स टिमको मुख्य प्रशिक्षकमा नियुक्त भएको छ ।
एभरेष्ट प्रिमियर लिग (ईपीएल) को फ्रेन्चाइज टिम भैरहवा ग्लाडिएटर्सले मुख्य प्रशिक्षकमा पुबुदुलाई नियुक्त गरेको हो । दशानायक सन् २०११ देखि २०१५ सम्म नेपाली क्रिकेट टिमको मुख्य प्रशिक्षक थिए । त्यसपछि उनले अमेरिकी क्रिकेट टिम सम्हाले ।
ईपीएल फेबुअरी २९ देखि मार्च १४ सम्म त्रिवि क्रिकेट मैदान, कीर्तिपुरमा आयोजना हुनेछ । शरद भेषावकर कप्तान रहेको भैरहवा गत वर्षको उपविजेता टोली समेत हो ।
