धनगढी । कैलालीको धनगढी उपमहानगरपालिका–३ चटकपुरबाट चार थान हतियारसहित तीन जना पक्राउ परेका छन् । केन्द्रीय अनुसन्धान व्यूरो (सीआईबी) र जिल्ला प्रहरीको टोलीले उनीहरुलाई पक्राउ गरेको हो ।
जिल्ला प्रहरी कार्यालय कैलालीका प्रमुख सुदीप गिरीले एक पेस्तोल, एक सिक्सर, दुईवटा कटुवा र केही गहनासहित तीन जनालाई पक्राउ गरेको जानकारी दिए । तर, उनीहरुको परिचय खुलाएनन् ।
पक्राउ परेकाहरुको साथबाट केही गहनाहरुसमेत बरामद भएको भनिए पनि परिमाण पनि खुलाइएको छैन । सबै जानकारी पत्रकार सम्मेलनमार्फत् दिने उनले जानकारी दिए ।
