नायक सौगात मल्लको हातमा चलचित्रको अभाव नै छैन । उनी एकपछि अर्को चलचित्रमा काम गरिरहेका छन् । उनको चलचित्र रिलिजको संख्या लामो भैसकेको छ । यसको प्रत्यक्ष फाइदा नायिका श्रृष्टी श्रेष्ठलाई परेको छ । सौगातले आफूलाई अफर आएका चलचित्रमा श्रृष्टीको नाम अगाडि सार्ने भएकाले पनि यो जोडी हरेक चलचित्रमा एकसाथ देखिएको छ ।
निर्देशक मधुसुदन भट्टराइले निर्देशन गर्न लागेको नयाँ चलचित्रमा पनि सौगात र श्रृष्टी अनुवन्धित भएका छन् । चलचित्रका लेखक संचारकर्मी लक्ष्मण सुवेदीले सामाजिक संजालमार्फत यो कुराको पुष्टी गरेका छन् । चलचित्रको नाम फाइनल गरिएको छैन ।
चलचित्रको छायांकन तिहारपछि अष्ट्रेलियामा हुने बताइएको छ । यता सौगात र श्रृष्टीको जोडीलाई भने दर्शकले एकपछि अर्को चलचित्रमा देख्न पाउने भएका छन् । यी दुई अभिनित चलचित्र ‘पोई पर्यो काले’ कात्तिकको ८ गतेबाट रिलिज हुँदैछ ।
