![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
काठमाडौं । प्रधानमन्त्री केपी शर्मा ओलीको घाँटीमा राखिएको ‘क्याथेटर’ पाइप निकालिएको छ । बुधबार बिहान मनमोहन कार्डिओथोरासिक, भास्कुलर एन्ड ट्रान्सप्लान्ट सेन्टरमा ओलीको घाँटीमा राखिएको पाइप निकालिएको हो ।
![](https://newspolar.com/wp-content/uploads/2019/07/pm-kp-oli1.jpg)
मिर्गौलासम्बन्धि एन्टिबडी बढेपछि उपचारका लागि ओली भदौ ५ गते सिंगापुर गएका थिए । उपचारमा संलग्न चिकित्सकका अनुसार अहिले उनको स्वास्थ्य अवस्था ठिकै देखिएको छ ।
सिंगापुरस्थित नेसनल युनिभर्सिटी अस्पतालले प्रधानमन्त्री ओलीको प्लाज्मा फेरिसिसको क्याथेटर घाँटीमा राखिएको थियो । उपचारमा संलग्न एक चिकित्सकले भने, ‘त्यही पाइप निकाल्न आउनु भएको हो ।’ ७ पटक प्लाज्मा फेरिसिस गरेर ओली गत शुक्रबार स्वदेश फर्किएका थिए ।