काठमाडाैँ । राष्ट्रिय सभामा प्रधानमन्त्रीसँगको प्रत्यक्ष प्रश्नोत्तर कार्यक्रम शुरु भएको छ ।
बिहीवार बसेको राष्ट्रिय सभाको बैठकमा प्रधानमन्त्री बालेन्द्र साहको तर्फबाट कानून, न्याय तथा संसदीय मामिलामन्त्री सोविता गौतमले सांसदहरूले उठाएका प्रश्नको जवाफ दिइरहनुभएको छ ।
यसअघि प्रतिनिधि सभामा आयोजित प्रश्नोत्तर कार्यक्रमका क्रममा प्रधानमन्त्रीले ‘नेपालले पनि भारतको भूमि मिचेको छ’ भन्ने अभिव्यक्ति दिएको भन्दै प्रतिपक्षी दलहरूले कडा विरोध जनाउँदै आएका छन् ।
उक्त विवादका कारण केही समयदेखि संसद्मा प्रधानमन्त्रीसँगको प्रश्नोत्तर कार्यक्रम प्रभावित बनेको छ । राष्ट्रिय सभामा भने प्रधानमन्त्रीको अनुपस्थितिमा उहाँको प्रतिनिधित्व गर्दै कानूनमन्त्री गौतमले सदनमा जवाफ प्रश्तुत गर्नुभएको हो ।
