काठमाडाैँ । मुग्लिन–नारायणगढ सडकखण्डअन्तर्गत मुग्लिन बजार नजिकै पहिरो खसेपछि सडकमा एकतर्फी आवागमन अवरुद्ध भएको छ ।
सडक डिभिजन भरतपुरका अनुसार मंगलबार बिहान करिब १०ः१२ बजे पहिरो खसेपछि सडक डिभिजनको उपकरण प्रयोग गरी पहिरो हटाउने काम सुरु गरिएको छ ।
पहिरो हटाउने काम जारी रहेकाले सडक पूर्णरूपमा सञ्चालनमा आउन करिब ३० मिनेट लाग्ने अनुमान गरिएको छ । सडक डिभिजनले यात्रुलाई सावधानीपूर्वक यात्रा गर्न आग्रह गरेको छ ।
