काठमाडौं । प्रधानमन्त्रीकाे स्वास्थ्य समस्या एवं कार्य व्यस्तताका कारण केही दिनकाे अन्तरालमा बसेकाे नेपाल कम्युनिस्ट पार्टी (नेकपा)काे शीर्ष बैठकले महानगरका अध्यक्ष र सचिवको जिम्मेवारी ताेकेकाे छ ।
शनिबार प्रधानमन्त्री निवास बालुवाटारमा बसेको बैठकले ६ महानगरको अध्यक्ष र सचिवकाे टुंगो लगाएको हो जसअनुसार काठमाडौं महागरपालिकाको अध्यक्षमा निर्मल देउवा र सचिव रविन्द्र श्रेष्ठ चयन भएका छन् ।
ललितपुरको अध्यक्षमा मञ्जरी कायस्थ र सचिव ज्ञानेन्द्र शाक्य तथा पोखराको अध्यक्षमा दिपक पौडेल र सचिव विश्वप्रकाश लामिछाने चयन भएका छन् । भरतपुर महानगरको अध्यक्षमा रामप्रसाद न्यौपाने र सचिवमा ईश्वर सापकोटा, वीरगञ्जको अध्यक्षमा रहबर अन्सारी र सचिवमा विश्वम्भर शर्मा तथा विराटनगर महानगरको अध्यक्षमा सागर थापा र सचिवमा हेम कार्की चयन भएका छन् ।
संगठनिक एकताका बाँकी कामबारे छिट्टै बस्ने अर्को बैठकमा छलफल हुने पार्टी प्रवक्ता नारायणकाजी श्रेष्ठले बताए ।
