काठमाडौं । श्रम, रोजगार तथा सामाजिक सुरक्षामन्त्री गोकर्ण विष्टले श्रमिक बलियो भएमात्र उद्योग धन्दा फस्टाउने बताएका छन् ।
विश्व ट्रेड युनियन महासंघ विश्व सम्मेलनको मंगलबार काठमाडौंमा उद्घाटन गर्दै उनले सामान्य जीवनयापन पनि गर्न नसक्ने अवस्थामा रहेका श्रमिकको पक्षमा काम गर्ने बताएका छन् ।
मन्त्री विष्टले श्रमिकहरु सधैं पीडित हुनुपर्ने अवस्थाको अन्त्य गरिने बताए । साथै उनले सम्मेलनले श्रम क्षेत्रमा सबैखाले लगानी आकर्षित गर्ने वातावरण बनाउनुपर्ने सुझाव दिए ।
दुई दिनसम्म चल्ने सम्मेलनमा २० देशका श्रमिक प्रतिनिधि सहभागी छन् ।
