काठमाडौं । नेकपा (एमाले) का उपाध्यक्ष तथा पूर्व अर्थमन्त्री विष्णुप्रसाद पौडेललाई विशेष अदालतले साधारण तारेखमा रिहा गर्न आदेश दिएको छ।
शुक्रबार विशेष अदालतका न्यायाधीशहरू नारायणप्रसाद पौडेल, डिल्लीरत्न श्रेष्ठ र विदुर कोइरालाको संयुक्त इजलासले सम्पत्ति शुद्धीकरणसम्बन्धी मुद्दामा पौडेललाई साधारण तारेखमा राखी पुर्पक्ष प्रक्रिया अघि बढाउने आदेश दिएको हो।
सम्पत्ति शुद्धीकरण विभागको अनुसन्धानपछि विभागले पौडेलविरुद्ध २० करोड ९० लाख रुपैयाँ बिगो दाबी गर्दै बिहीबार विशेष अदालतमा मुद्दा दर्ता गरेको थियो।
अदालतको आदेशसँगै पौडेल हाल साधारण तारेखमा रिहा भएका छन् भने उनीविरुद्ध दायर मुद्दाको कानुनी प्रक्रिया भने नियमित रूपमा अघि बढ्नेछ।
