काठमाडाैँ । नेकपा (एमाले) का नेता योगेश भट्टराईले कार्यकालको अन्तिम चरणमा प्रदेश सरकारहरू फेरबदल गरिनु उचित नभएको बताएका छन्।
सामाजिक सञ्जालमार्फत धारणा सार्वजनिक गर्दै उनले यस्तो फेरबदल किन, कसले र केका लागि गरिरहेको हो भन्ने विषयमा खोजिनीति हुनुपर्ने बताएका छन्।
भट्टराईले प्रदेश सरकार परिवर्तनको पछाडि देखिएको प्रवृत्तिले राजनीतिक अस्थिरता र सत्ता लोलुपतालाई मात्र उजागर गरेको टिप्पणी गरेका छन्। उनले विगतमा जनस्तरबाट पुराना दल र पुरानो नेतृत्वप्रति उठाइएका आलोचनाहरूलाई अहिलेका गतिविधिले थप पुष्टि गरिरहेको उल्लेख गरेका छन्।
उनले यस्तो परिस्थितिमा पार्टीभित्र सामूहिक छलफल गरी साझा निष्कर्षका आधारमा अघि बढ्नुपर्ने आवश्यकता औंल्याउँदै निर्णय प्रक्रिया भने पुरानै शैलीमा चलिरहेको संकेत गरेका छन्।
