काठमाडौं । प्रधानमन्त्री वालेन्द्र शाह र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच आज प्रधानमन्त्री तथा मन्त्रिपरिषद्को कार्यालयमा भेटवार्ता भएको छ।
भेटमा समसामयिक राजनीतिक घटनाक्रम, मुलुकको पछिल्लो अवस्था तथा राष्ट्रिय हितसँग सम्बन्धित विभिन्न विषयमा छलफल भइरहेको प्रधानमन्त्रीको सचिवालयले जनाएको छ।
छलफलमा राप्रपा अध्यक्ष लिङदेनसँगै पार्टीका वरिष्ठ उपाध्यक्ष बुद्धिमान तामाङ तथा केन्द्रीय सदस्य एवं प्रतिनिधिसभा सदस्य खुस्बु ओली पनि सहभागी हुनुहुन्छ।
प्रधानमन्त्री र प्रमुख प्रतिपक्षी दलका नेताबीच भएको यो भेटलाई पछिल्लो राजनीतिक परिस्थिति र समसामयिक विषयमा साझा धारणा निर्माण गर्ने प्रयासका रूपमा हेरिएको छ। बैठकका निर्णय वा निष्कर्षबारे विस्तृत विवरण भने सार्वजनिक गरिएको छैन।
