काठमाडौं । प्रधानमन्त्री वालेन्द्र शाहले आज महिला उद्यमी महासंघका पदाधिकारीहरूसँग प्रधानमन्त्री तथा मन्त्रिपरिषद्को कार्यालयमा विशेष छलफल गर्नुहुने भएको छ।
केही बेरमा सुरु हुने उक्त बैठकमा महिला उद्यमशीलताको प्रवर्द्धन, उद्योग तथा व्यवसाय क्षेत्रमा महिलाको सहभागिता वृद्धि, नीतिगत सुधार तथा उद्यममैत्री वातावरण निर्माणका विषयमा विस्तृत छलफल हुने जनाइएको छ।
बैठकमा महिला उद्यमी महासंघका तर्फबाट अध्यक्ष दर्शना श्रेष्ठ, तृतीय उपाध्यक्ष महालक्ष्मी श्रेष्ठ, महासचिव सविता सुवेदी, सचिव डिकिला शेर्पा लामा तथा कार्यकारिणी सदस्य अनुजा राजभण्डारी श्रेष्ठ सहभागी हुनेछन्।
प्रधानमन्त्री शाह र महासंघका प्रतिनिधिबीच हुने छलफलले महिला उद्यमशीलता प्रवर्द्धनका लागि आवश्यक नीति, कार्यक्रम तथा निजी क्षेत्रसँगको सहकार्यलाई थप प्रभावकारी बनाउने अपेक्षा गरिएको छ।
