काठमाडौं । प्रहरीले सभामुख कृष्णबहादुर महराबाट पीडित भनिएकी महिलाको कोठाबाट रक्सीका बोतल, कपडा, चस्माको टुक्रा लगायतका सामान बरामद गरेको छ।
प्रहरी स्रोतका अनुसार जाहेरी नआए पनि आफ्नो तर्फबाट प्रहरीले अनुसन्धान सुरु गरेको गरेको छ। तर पीडित भनिएकी महिलाले मिडिया र प्रहरीसमक्ष बयान फेरेकी छिन्।
महिलाले आइतबार राति आफूमाथि सभामुख महराबाट बलात्कार भएको भन्दै प्रहरी कन्ट्रोल नम्बर १०० मा फोन गर्दै मिडियासँग पनि उनले आफूलाई बलात्कार भएको दाबी गर्दै आएकी थिइन्। तर अहिले उनले प्रहरीसँग भने उनले बलात्कार नभएको बताएको स्रोतले जनायो।
स्रोतले भन्यो, ‘महिलासँग अहिले हाम्रो कुरा भइरहेको छ। तर उहाँले हामीसँग बलात्कार भयो भन्नुभएको छैन। दुर्व्यवहार मात्रै भएको बताउनुभएको छ। हामी थप बुझ्दैछौं।’
