काठमाडौँ । सभामुख पदबाट राजीनामा दिएका कृष्णबहादुर महराको राजीनामाले पूर्णता पाएको छ । महराले राजीनामा उपसभामुख समक्ष मंगलबार नै बुझाए पनि पूर्णता पाउन अपनाउने प्रक्रियामा भने ढिलाई भएको थियो ।
तर बुधबार संसद सचिवालयले सबै प्रक्रिया पूरा गरेर महराको राजीनामालाई पूर्णता दिएको हो।
संवैधानिक व्यवस्था अनुसार संसदको अधिवेशन चालु रहेको अवस्थामा सभामुखको राजीनामा पत्र संसदमा पढेर सुनाउनु पर्छ । तर संसदको अधिवेशन असोज २ गते अन्त्य भएको थियो ।
राजीनामाले पूर्णता पाउने अर्को बाटो पनि छ, संसदको अधिवेशन चालु नरहेको अवस्थामा । त्यसका लागि संसद सचिवालयले राजीनामा सम्बन्धी सूचना प्रकाशित गर्नु पर्छ ।
तर संसद सचिवालयका महासचिव मनोहरप्रसाद भट्टराई परिवारका सदस्य बिरामी भई उपचारका लागि भारतको नयाँ दिल्लीमा छन्। बुधबार दिउँसो महासचिव भट्टराईको अनुपस्थितिमा संसद सचिवालयका सचिव भरतराज गौतमले हस्ताक्षर गरी सूचना निकालेर महराको राजीनामा प्रक्रियालाई पूर्णता दिएका हुन् ।
संसद सचिवालयले महराको राजीनामा सम्बन्धमा प्रतिनिधिसभा नियमावली, २०७५ को नियम २११ को उपनियम (२) बमोजिम बुधबार सूचना प्रकाशित गरेको हो।
नियम २११ को १ र २ मा के छ ?
