काठमाडौं । नेपाली कांग्रेसका नेता डा शेखर कोइरालाले पार्टीका भ्रातृ संस्थालाई खोज्नुपर्ने अवस्था भएको बताएका छन् ।
तरुण दल केन्द्रीय समितिले दसैंको अवसर गरेको शुभकामना तथा चियापान कार्यक्रममा नेता कोइरालाले भ्रातृ संस्था ‘तरुण दल र नेविसंघ नै खोज्नुपर्ने अवस्था छ। अनि सडक कसरी तात्छ ?’
तदर्थवाद भातृ संस्थाहरूलाई परिचालित भएको भन्दै नेतृत्वप्रति आपत्ति जनाए। नेविसंघ र तरुण दलको अधिवेशन छिटो गर्नुपर्नेमा उनले जोड दिए।
पार्टीको १४औं महाधिवेशनको लागि समयावधि बढाउन नहुने उनको धारणा थियो। कोइरालाले भने,‘पार्टीभित्र मतभेदहरु भए पनि त्यसलाई स्विकारेर अगाडि जानुको विकल्प छैन।’
