काठमाडौं । धितोपत्र बोर्डले ‘धितोपत्र सम्बन्धी ऐन, २०६३’ लाई संशोधन गर्न बनेको विधेयक संघीय संसद्मा पेस गरेको छ। धितोपत्रसम्बन्धी कानुनी व्यवस्थामा थप सुधार र नयाँ व्यवस्था लागू गर्नका लागि भन्दै विधेयक संघीय संसद्मा पेस गरेको हो ।
विधेयकमा धितोपत्र बोर्डको अध्यक्ष भइइसकेको व्यक्ति अवकाश जीवनभर र कार्यकारी निर्देशक तथा उप कार्यकारी निर्देशक अवकाश प्राप्त भएको दुई वर्षसम्म कुनै सूचीकृत संगठित संस्था तथा बोर्डबाट अनुमतिपत्र प्राप्त संस्थामा काम गर्न नपाउने व्यवस्था छ।
नयाँ व्यवस्थाले केन्द्रीय निक्षेप सेवा तथा विशिष्टीकृत लगानी कोष सञ्चालन गर्न थप व्यवस्था गरेको छ भने लगानीकर्ताको हित तथा स्वार्थ संरक्षणको लागि ट्रष्टीको व्यवस्था गरेको धितोपत्र बोर्डले जनाएको छ। साथै विधेयकमा बोर्डको सञ्चालक समितिलाई पुनर्संरचनाको विषयलाई पनि उठाइएको छ।
