म्याग्दी। म्याग्दीको धौलागिरि गाउँपालिका–७, फेदीखोलास्थित सडकखण्डमा दुईवटा जिप दुर्घटना हुँदा नौजना घाइते भएका छन्।
मंगलबार दिउँसो करिब ३ बजेतिर ताकमबाट दरबाङतर्फ आउँदै गरेको ७७९५ नम्बरको बोलेरो जिप घुम्तीमा पल्टिएर अगाडिबाट आउँदै गरेको ग ३ च ३३१४ नम्बरको यात्रुवाहक बोलेरो जिपमाथि खसेको प्रहरीले जनाएको छ।
इलाका प्रहरी कार्यालय दरबाङबाट खटिएको प्रहरी टोलीले घाइतेहरूको उद्धार गरी उपचारका लागि दरबाङ आधारभूत अस्पताल पठाएको छ।
दुवै जिपमा गरी १० जना सवार रहेकोमा एकजना सकुशल छन् भने एक घाइतेको अवस्था गम्भीर छ। दुवै सवारीसाधन घटनास्थलमै रहेका छन्।
