काठमाडौं । प्रधानमन्त्री वालेन्द्र शाहले मंगलबार प्रधानमन्त्री तथा मन्त्रिपरिषद्को कार्यालयमा एसियाली विकास बैंक (एडीबी)का अध्यक्ष मासातो कान्डासँग शिष्टाचार भेटवार्ता गरेका छन्।
भेटमा नेपाल र एडीबीबीचको सहकार्य, विकास साझेदारी, पूर्वाधार, ऊर्जा तथा आर्थिक विकासका क्षेत्रमा भइरहेको सहयोगका विषयमा छलफल भएको प्रधानमन्त्री तथा मन्त्रिपरिषद्को कार्यालयले जनाएको छ।
एडीबीका अध्यक्ष कान्डा सोमबार दिउँसो काठमाडौं आएका हुन्। नेपाल भ्रमणका क्रममा उनले सोमबार नै अर्थमन्त्री स्वर्णिम वाग्लेसँग पनि भेटवार्ता गरेका थिए। उक्त भेटमा नेपालमा एडीबीको लगानी, विकास परियोजनाको कार्यान्वयन तथा आगामी सहकार्यका विषयमा छलफल भएको थियो।
एडीबी अध्यक्ष कान्डाको नेपाल भ्रमणलाई नेपाल–एडीबी साझेदारीलाई थप सुदृढ बनाउने अवसरका रूपमा हेरिएको छ।
