काठमाडौं । पार्टीबाट स्थानीय तहमा उम्मेदवार भई विजयी भएका प्रमुख र उपप्रमुखलाई नेपाली कांग्रेसले प्रशिक्षण सुरू गरेको छ।
शुक्रबारदेखी भक्तपुरको बोडेमा सुरू भएको प्रशिक्षण कार्यक्रम शनिबार सकिनेछ। पार्टीबाट उम्मेदवार भई जिल्ला समन्वय समिति र गाउँपालिकामा प्रमुख र उपप्रमुख जितेकाहरूलाई कांग्रेसले प्रशिक्षण दिएको हो।
उपसभापति विमलेन्द्र निधि संयोजक रहेको केन्द्रीय नीति अनुसन्धान तथा प्रतिष्ठानले आयोजना गरेको प्रशिक्षण उद्घाटन कार्यक्रममा सभापति शेरबहादुर देउवा, बरिष्ठ नेता रामचन्द्र पौडेल, पूर्वमहामन्त्री कृष्णप्रसाद सिटौलालगायत नेता सहभागी छन्।
प्रशिक्षणमा सहभागी भएकाहरूलाई कांग्रेसले जनमुखी काम गर्न आग्रह गरेको छ।
