काठमाडौं । भारतीय प्रधानमन्त्री नरेन्द्र मोदीले शाहरुख खान, आमिर खान, कंगना रनौतजस्ता बलिउडका दिग्गज सेलिब्रिटीहरुसँग भेट गरेका छन् । मोदीले कलाकारहरुलाई गान्धीको विचारधारा फिल्ममार्फत प्रचार गर्न अनुरोध गरेका थिए ।
भेटको कार्यक्रममा शाहरुख, आमिर, कंगनासँगै ज्याकलिन फर्नान्डेज, एकता कपुर, बोनी कपुरजस्ता चर्चित कलाकारहरु पनि थिए ।
सबै कलाकारहरु शनिबार साँझ प्रधानमन्त्रीसँग भेट्न पाउँदा खुसी देखिन्थे । भेटपछि बलिउड स्टार शाहरुख र आमिर मोदीसँग सेल्फी खिचेका थिए । आमिरले प्रधानमन्त्री मोदीसँगको भेट सानदार भएको बताए ।