काठमाडौं । नेकपा (एमाले)का उपाध्यक्ष विष्णु पौडेलले सुदूरपश्चिम प्रदेशमा पार्टी पुनर्गठनसम्बन्धी सुझाव संकलन कार्यक्रम उत्साहपूर्ण रूपमा सम्पन्न भएको जनाउनु भएको छ ।
उपाध्यक्ष पौडेलले करीब १३ घण्टा लामो छलफल र सुझावका क्रममा अत्यन्त महत्वपूर्ण विचारहरू ब्यक्त भएको जनाउनु भएको छ ।
उहाँले छलफल पछि सामाजिक संञ्जालमा लेख्नुभएको छ -नेकपा (एमाले) सञ्चालनका लागि हामीसंग स्वीकृत विधि छ । विधिको पालनाले सुदृढ एकता सुनिश्चित गर्दछ । विधिको उल्लङ्घनले विग्रह र विभाजन निम्त्याउँछ । पार्टी भित्र देखा परेका या देखापर्न सक्ने हरेक समस्याको समाधान विधिको सिमा भित्रबाट खोज्नु पर्दछ ।
स्वस्थ छलफल, बहस र सुझावलाई बिभाजनको पूर्भाभ्यास भन्दै आरोपित या निषेध गर्ने प्रवृत्ति उचित हुन सक्तैन । त्यसैगरी बिभाजनको आधार तयार पार्न बहसको साहरा लिने प्रवृत्ति पनि स्वीकार्य हुन सक्दैन।
उहाँल लेख्नुभएको छ
आज नेकपा (एमाले) सुदूरपश्चिम प्रदेश कमिटीको ब्यवस्थापनमा धनगढीमा निर्वाचन समीक्षा तथा पार्टी पुनर्गठन सम्वन्धमा सुझाव संकलन कार्यक्रम सम्पन्न भयो । करीब १३ घण्टा लामो छलफल र सुझावका क्रममा कमरेडहरूले अत्यन्त महत्वपूर्ण विचारहरू ब्यक्त गर्नुभएको छ ।
समस्या चिन्ने र समाधान पहिल्याउने उद्देश्यका साथ संस्थागत निर्णयका आधारमा आयोजना गरिएको यस् कार्यक्रममा नेकपा (एमाले) को र एमाले मार्फत देश र जनताको उज्वल भविष्य निर्माण गर्न कमरेडहरूले ब्यक्त गर्नुभएका विचारहरू अत्यन्त मर्मस्पर्शी छन् ।
नेकपा (एमाले) सञ्चालनका लागि हामीसंग स्वीकृत विधि छ । विधिको पालनाले सुदृढ एकता सुनिश्चित गर्दछ । विधिको उल्लङ्घनले विग्रह र विभाजन निम्त्याउँछ । पार्टी भित्र देखा परेका या देखापर्न सक्ने हरेक समस्याको समाधान विधिको सिमा भित्रबाट खोज्नु पर्दछ ।
स्वस्थ छलफल, बहस र सुझावलाई बिभाजनको पूर्भाभ्यास भन्दै आरोपित या निषेध गर्ने प्रवृत्ति उचित हुन सक्तैन । त्यसैगरी बिभाजनको आधार तयार पार्न बहसको साहरा लिने प्रवृत्ति पनि स्वीकार्य हुन सक्दैन।
विभाजनको मनोवैज्ञानिक त्रास सृजना गरेर छलफल, बहस र सुझावलाई निरूत्साहित गर्ने प्रवृत्ति उचित हुन सक्तैन । त्यसैगरी छलफल, बहस र सुझावका नाममा अराजकताको मार्ग तय गर्ने प्रवृत्ति पनि मान्य हुन सक्तैन ।
आजको कार्यक्रममा कमरेडहरूका विधिसम्मत, स्वस्थ, भयरहित र तर्कपूर्ण प्रस्तुति स्वागतयोग्य छन् । कमरेडहरूबाट निर्वाचन समिक्षा तथा पार्टी पुनर्गठनको पक्षमा प्रस्तुत भएका विचार, विश्लेषण र सुझावहरू ग्रहणयोग्य छन् ।
छलफलमा सहभागी हुनुहुने सबै कमरेडहरूलाई धेरै-धेरै धन्यवाद ।
