काठमाडौं । आज बिहान ११ बजेका लागि बोलाइएको प्रतिनिधिसभाको बैठक निर्धारित समयमा प्रारम्भ हुन सकेन। विपक्षी दलहरूको निरन्तर अवरोध र सहमतिको प्रयास जारी रहेकाले बैठक सञ्चालनमा ढिलाइ भएको हो।
संसद् सचिवालयका प्रवक्ता एकराम गिरीका अनुसार सभामुख डोलप्रसाद अर्याल तथा राष्ट्रिय स्वतन्त्र पार्टीका सभापति रवि लामिछाने ले विपक्षी दलहरूसँग छलफल गर्दै संसद्को गतिरोध अन्त्य गर्ने प्रयास गरिरहनुभएको छ।
विपक्षी दलहरूले नेपाल–भारत सीमा सम्बन्धमा प्रधानमन्त्री वालेन्द्र शाह ले व्यक्त गर्नुभएको भनाइप्रति असहमति जनाउँदै त्यस विषयमा प्रधानमन्त्री स्वयंले संसद्मा स्पष्ट धारणा राख्नुपर्ने र विवादास्पद अभिव्यक्तिलाई संसदीय अभिलेखबाट हटाउनुपर्ने माग राख्दै आएका छन्।
उल्लेखित अभिव्यक्ति प्रधानमन्त्री शाहले प्रतिनिधिसभाको जेठ १७ गतेको बैठकमा सांसदहरूले उठाएका प्रश्नहरूको जवाफ दिने क्रममा व्यक्त गर्नुभएको थियो। उक्त विषयलाई लिएर सत्तापक्ष र विपक्षी दलबीच सहमति खोज्ने प्रयास जारी रहेकाले आजको बैठक सुरु हुन ढिलाइ भएको बताइएको छ।
