काठमाडौँ। फिलिपिन्सको दक्षिणी क्षेत्र मिन्डानाओमा सोमबार बिहान ७.८ रेक्टर स्केलको शक्तिशाली भूकम्प गएको छ ।
अमेरिकाको भूगर्भ सर्वेक्षण संस्थाका अनुसार भूकम्प जमिनको सतहबाट करिब ३५ किलोमिटर गहिराइमा केन्द्रित भएर गएको हो।
भूकम्पपछि फिलिपिन्सको ज्वालामुखी तथा भूकम्प अध्ययन संस्थाले सुनामीको चेतावनी जारी गरेको छ । संस्थाले तटीय क्षेत्रका बासिन्दालाई सुरक्षित स्थानतर्फ तत्काल स्थानान्तरण हुन आग्रह गरेको छ ।
भूकम्पबाट भएको क्षतिको विवरण भने तत्काल प्राप्त हुन सकेको छैन । सम्बन्धित निकायहरूले प्रभावित क्षेत्रको अवस्था मूल्याङ्कन गरिरहेको बताएका छन् ।
