काठमाडौँ । प्रधानमन्त्री बालेन शाहले नेपाल–भारत सीमासम्बन्धी विषयमा दिएको अभिव्यक्तिलाई लिएर नेपाली कम्युनिस्ट पार्टी (नेकपा) ले सत्तारुढ राष्ट्रिय स्वतन्त्र पार्टी (रास्वपा) को औपचारिक धारणा माग गरेको छ ।
मंगलबार प्रतिनिधिसभाको बैठकमा नेकपाका प्रमुख सचेतक युवराज दुललाले प्रधानमन्त्री शाहको टिप्पणीप्रति रास्वपाको स्पष्ट दृष्टिकोण के हो भन्ने प्रश्न उठाएका हुन् ।
प्रधानमन्त्री शाहले आइतबारको प्रतिनिधिसभा बैठकमा बोल्दै नेपाल–भारत सीमासम्बन्धी विवाद कूटनीतिक माध्यमबाट समाधान गर्नुपर्ने बताएका थिए । सोही क्रममा उनले नेपाल र भारत दुवै पक्षबाट केही स्थानमा सीमा अतिक्रमण भएको दाबी गरेका थिए ।
प्रधानमन्त्रीको उक्त अभिव्यक्तिप्रति विभिन्न राजनीतिक दलमा चासो र बहस देखिएको छ । नेकपाले यस विषयमा रास्वपाको आधिकारिक धारणा सार्वजनिक गर्न माग गरेको हो ।
