काठमाडौँ । प्रधानमन्त्री बालेन्द्र शाह (बालेन) ले देशको वर्तमान प्राथमिकता आत्मविश्वासभन्दा पनि आर्थिक स्रोत र विकासका लागि आवश्यक वित्तीय व्यवस्थापन रहेको बताएका छन्।
प्रतिनिधिसभा बैठकमा सांसदहरूले उठाएका प्रश्नको जवाफ दिँदै प्रधानमन्त्री शाहले सरकारले अहिले देशलाई आवश्यक पैसा जुटाउने र विकासका कामलाई गति दिने विषयमा ध्यान केन्द्रित गरेको स्पष्ट पारे।
उनले अल्पविकसित देशबाट विकासशील हुँदै विकसित राष्ट्रमा स्तरोन्नति हुने प्रक्रिया उल्लेख गर्दै चीनको उदाहरण प्रस्तुत गरेका थिए। प्रधानमन्त्री शाहका अनुसार देशलाई कहिले विकसित बनाउने भन्ने कुरा दीर्घकालीन रणनीतिक विषय भएकाले त्यसअनुसार योजनाबद्ध रूपमा अघि बढ्नुपर्ने हुन्छ।
