काठमाडौं। नेकपा एमालेले स्थानीय तह र प्रदेशको आसन्न निर्वाचनलाई लक्षित गर्दै पार्टी जागरण अभियान सुरु गरेको घोषणा गरेको छ ।
जेठ ४ बाट सुरु भएर ८,९ र १० गते भएको केन्द्रीय सचिवालयको बैठकका निर्णयलाई मातहतका कमिटीमा प्रेषित गर्न पार्टी अध्यक्ष केपी शर्मा ओलीले अन्तरपार्टी निर्देशन (अपानि) २ जारी गर्दै यो अभियान घोषणा गरेका हुन् ।
यो पनि पढ्नुहोस- एमालेले सुरु गर्यो ‘पार्टी जागरण अभियान’, पदाधिकारी बाहेकका नेतालाई पालिका केन्द्रीत जिम्मेवारी
गणतन्त्र दिवसका दिन हिजो जेठ १५ गतेको मितिमा जारी गरिएको अपानिमा नेताहरुको जिम्मेवारीको विस्तृत खाका उल्लेख गरिएको छ ।
पार्टीका केन्द्रीय सदस्यहरुलाई जनसंगठन इन्चार्ज तथा विभागका प्रमुख तोकिए पनि उनीहरुलाई आफ्नो पालिकाको समेत जिम्मेवारी तोकिएको छ ।
जेठ ४ बाट सुरु भएर ८,९ र १० गते भएको केन्द्रीय सचिवालयको बैठकका निर्णयलाई मातहतका कमिटीमा प्रेषित गर्न पार्टी अध्यक्ष केपी शर्मा ओलीले अन्तरपार्टी निर्देशन (अपानि) २ जारी गर्दै यो अभियान घोषणा गरेका हुन् ।
अपानी प्रति उपमहासचिब योगेश भट्टराईले छर्लङ्ग हुनुहोस, ढुक्क रहनुहोस भन्ने प्रतिकात्मक टिप्पणी गर्नुभएको छ ।
उहाँले लेख्नुभएको छ
हिजो जेठ १५ गते गणतन्त्र दिवसका दिन पार्टी अध्यक्ष कमरेड केपी शर्मा ओलीको हस्ताक्षरमा हाम्रो पार्टी नेकपा एमालेको अन्तरपार्टी निर्देशन-२ ( अपानी २) जारी भएको छ । “अपानीमा उल्लेखित विषयहरु आफैमा महत्वपूर्ण छन, त्यसमा पनि गणतन्त्र दिवसका दिन जारी भएकोले यसले ऐतिहासिकता कायम गर्ने नै छ ।” अपानीमा जोड दिईएको छ- “एकता, एकता र अझ उन्नतस्तरको एकता प्रदर्शन गर्नु आवश्यक छ ।”
अझ उन्नतस्तरको एकता प्रदर्शन गर्न केन्द्रीय पदाधिकारी तथा सदस्यहरूको कार्यविभाजन गरिएको छ । “उक्त कार्यविभाजनबाट पार्टीमा व्यापक एकता निर्माण हुने अपेक्षा अपानीमा गरिएको छ ।”सम्पूर्ण पार्टी सदस्यहरूलाई अपानी २ अनिवार्य अध्ययन गर्न अनुरोध गर्दछु ।
“छर्लङ्ग हुनुहोस, ढुक्क रहनुहोस ?“
नेकपा एमाले- जिन्दावाद!
